رسمی موسکوا آمئریکا ایله سلاح آنلاشماسینی لغو ائد‌ن فیلیپپینه دؤیوش طیاره‌لری و سوآلتی قاییقلار داخیل اولماقلا، ان معاصر سلاحلارینی ساتماق نیتین‌ده‌دیر.

آخار. آذ خبر وئریر کی، بو باره‌ده روسییانین مانیلاداکی سفیری ایقور هووایئو دئییب.

بیرگه حربی تعلیملرین کئچیریلمه‌سی اوچون فیلیپپینه گئدن روسییا دونانماسینا (ناوگان) مخصوص «آدمیرال تریبوچ» گمی‌سین‌ده مطبوعات کنفرانسی کئچیرن سفیر امکداشلیغا حاضر اولدوقلارینی بیان ائدیب:

«یونگول سلاحلار، هلیکوپتر، سوالتی قاییق و موختلیف دؤیوش تجهیزاتی گؤندرمه‌یه حاضیریق. ایستیفاده اولونموش یوخ، ان معاصر سلاحلاریمیزی وئرجییک».

سفیر سلاح ساتیشین‌دا بین الخالق حقوق نورمالارینا رعایت ائد‌جکلرینی بیلدیریب.

خاطرلاداق کی، آمئریکا ایله سلاح آنلاشماسینی لغو ائد‌ن فیلیپپین پرئزیدئنتی رودریقو دوترته دونیادا صولحو برقرار ائتمک اوچون «یئنی دوستلاری» روسییا و چینله امکداش‌لیق ائدجیینی آچیقلامیشدی.