آمئریکا بیرلشمیش شتاتلاری-این یئنی سئچیلمیش پرئزیدئنتی دونالد ترامپ سلفی باراک اوباما طرفیندن تعیین ائدیله‌ن بوتون سفیرلری گئری چاغیراجاق.

آخار .آذ خبر ۷-یه ایستینادن معلومات وئریر کی، ترامپین کئچید قرارگاهی ۲۳ دئکابردا دؤولت دئپارتامئنتینه گؤندردیی مکتوب‌دا اوبامانین حاکمیتی دؤورونده تعیین اولونان «بوتون سفیرلرین ۲۰ یانواردا وظیفه‌سیندن آزاد اولوناجاغی» بیلدیریلیب.

«نیو یورک تایمز»این خبرینه گؤره، تعلیمات یالنیز اوبامانین تعیین ائتدیی بوتون سفیرلره شامیل ائدیله‌جک. دؤولت دئپارتامئنتین‌ده چالیشان دیپلوماتلار ایشده‌ن چیخاریلمایاجاق.

ترامپین بو آددیمینین خئیلی اؤنم‌لی اؤلکه‌ده دیپلوماتیک بحرانا سبب اولاجاغی تخمین ائدیلیر. بوندان باشقا، یئنی سفیرلرین تعیین اولونماسی اوچون سئناتین تصدیقی واجیب اولدوغوندان، تعییناتلار خئیلی واخت آپاراجاق.