آمئریکا بیرلشمیش شتاتلاری اوردوسونا مخصوص یوزه یاخین تانک و دیگر حربی تئکنیکا آلمانییا ساحللرینه چاتیب.

آخار .آذ خبر وئریر کی، ۸۷ عدد «آبرامس م۱ا۱» تانکی، ۲۰ عدد «پالادین» اؤزویئرییه‌ن آرتیللئرییا قورغوسو، ۱۳۶ عدد «برادلئی» دؤیوش آوتوموبیلی و یوزلرله زیرئه‌لی ترانسپورتیورون اولدوغو توپلام ۲۸۰۰ سلاح برئمئرخافئن لیمانیندان روسییایا قونشو اولان ناتو اؤلکه‌لرینه گؤندریله‌جک.

اوچ یوک گمیسی ایله گلن حربی تجهیزاتدان باشقا ۴ مین آمئریکا بیرلشمیش شتاتلاری حربچی‌سینین آوروپایا آیاق باساجاغی بیلدیریلیر.

آمئریکا بیرلشمیش شتاتلاری اوردوسونون گئنئرال-لئیتئنانتی تیم ماککورئ لیماندا وئردیی آچیقلامادا بونون رقیبلره ایشاره اولدوغونو دئییب:

«بو، شرقی آوروپاداکی موتتفیقلریمیزین بیرلشمیش ایشتاتلارین دایما نظارتی آلتین‌دا اولدوغونا بیر ایشاره‌دیر».

قئید ائدک کی، ناتو عضوو اولان آلمانییا، کانادا و اینگیلتره هر بیری ۱۰۰۰ حرب‌چی‌دن عبارت قوشون بیرلشمه‌لرینی لاتوییا، لیتوا و ائستونییایا یوللاییب.

رسمی موسکوا حادثه‌یه هله‌لیک موناسیبت بیلدیرمه‌ییب.

ناتو-نون ان خیردا همله‌سینه بئله جاواب وئره‌جکلرینی دئیه‌ن روسییا پرئزیدئنتی ولادیمیر پوتین کالینینگرادا س-۳۰۰ و «ایسگندر» راکئتلرینین گؤندریلمه‌سی باره‌ده تاپشیریق وئریب. روسییا پولشا ایله سرحده ده خئیلی جانلی قوه یئریدیب.