آمئریکا بیرلشمیش شتاتلاری-این فلوریدا ایشتاتینین «فورت لاودئردال هوللیوود» بئین الخالق هاوا لیمانین‌دا اودلو سلاحلا ۵ نفری قتله یئتیره‌ن شخص آمئریکا بیرلشمیش شتاتلاری اوردوسونون احتیاط‌دا اولان ظابیطی ایمیش.

آخار .آذ خبر وئریر کی، ۲۶ یاشلی ائستئبان سانتیاگو اوزون مدت عیراق‌دا قوللوق ائدیب.

بو آرادا اینسیدئنتین بعضی تفررواتلاری دا معلوم اولوب.

حادثه شاهیدلرینین وئردیی معلوماتا گؤره، آلیاسکادان فلوری‌دا ایشتاتینا گلن سانتیاگو ۲-جی تئرمینال‌دا چانتاسینی آلدیق‌دان سونرا توالئته گئدیب. داها سونرا قئیدیاتا دوشمک اوچون یاخینلاشیب، سیلاحی چانتاسین‌دان چیخاریب اطرافا آتش آچماغا باشلاییب.

حادثه نتیجه‌سین‌ده ۵ نفر هلاک اولوب، ۸ نفر یارالانیب.

رسمیلر سانتیاگونون آلیاسکادا تییاره‌یه مینرکه‌ن اودلو سیلاحی اولدوغونو بیان ائتدیینی، ایچین‌ده سیلاح اولان چانتانین یوک بؤلومونده داشینماسینا ایجازه وئریلدیینی بیلدیریب.

اینگیلتره‌نین «دئی‌لی مئیل» قزئتی جینایتکارین پسیخولوژی پروبلئمی اولدوغونو یازیب.