تیفلیسله «گازپروم» آراسیندا کئچه‌ن ایل ایمضالانان موقاویله‌نین مدتی دئکابرین ۳۱-ده باشا چاتیب.

آخار .آذ خبر وئریر کی، بونو ژورنالیستلره آچیقلاماسین‌دا گورجوستان ائنئرگئتیکا ناظرینین موعاوینی ماریام والیشویلی سؤیله‌ییب. او، طرفلرین هله‌لیک یئنی موقاویله ایله باغلی راضیلیق الده ائتمه دیینی بیلدیریب:

«طبیعی گازین ترانزیتی حاضیردا عادی رئژیمده حیاتا کئچیریلیر. یئنی موقاویله‌ده گورجوستان ماکسیمال نتیجه الده ائتمک ایسته ییر. ماکسیمال نتیجه ترانزیت دیرینین اؤده نیشینین بیزیم اوچون صرف ائد‌ن فورمادا اولان مونئتیزاسییاسی و یا کئچنیلکی موقاویله‌نین شرطلرینین تکرارلانماسی اولا بیلر. هله‌لیک «گازپروم»لا گؤروشون نه واخت اولاجاغی بیلینمیر، اما بو، تئزلیکله باش وئره‌جک».

قئید ائدک کی، تیفلیسله «گازپروم» آراسین‌دا سون گؤروش دئکابرین ۲۳-او باش توتوب. گؤروشده هئچ بیر نتیجه الده ائدیلمه‌ییب.

گورجوستان حاضیردا روس گازینین اؤز اراضیسین‌دن ائرمنیستانا ترانزیتی قارشیلیغین‌دا عمومی حجمین ۱۰%-نی الده ائدیر.