چینلی عالیملر ماراقلی کشفه ایمضا آتیبلار.

بئله کی، ترند-این وئردیی معلوماتا گؤره، چین علملر آکادمییاسی نزدین‌ده شانخای کرامیکا اینستیتوتونون پروفسورو چژو اینچزنین باشچی‌لیق ائتدیی تدقیقات‌چیلار گروپو آلوودا یانمایان و سویون تأثیرینه داواملی کاغیذ یاراتماغا موفق اولوبلار.

تدقیقات‌چیلارین فیکرینجه، بو نادیر ماتریالین دونیادا آنالوگو یوخدور. یئنی یارادیلمیش قیری-عضوی کاغیذ کیفایت قدر الاستیک، محکم ایستروکتورا مالیک‌دیر و اکسترمال شرایط‌ده مخانیکی زده‌لره معروض قالمیر. مؤلفلر آرتیق بو ایختیراعا پاتئنت آلماق اوچون سورغو گؤندریبلر.

ایختیراعچیلارین سؤزلرینه گؤره، یئنی ماتریال ۲۰۰ درجه سی سی تمپراتورا داوام گتیریر. کاغیذ اؤز ایستروکتورو سایه‌سین‌ده مخانیکی زدلندیی حال‌دا بئله سویو اؤزونه هوپتورمور. سود، قهوه، شیره و یا چایلا تماس زامانی ماتریال اوزرین‌ده هئچ بیر ایز قالمیر. خصوصی مهم سندلرین ساخلانیلماسین‌دا، کوچه‌لرده رئکلام لوحه‌لرین‌ده بو ماتریال‌دان ایستیفادنین داها الوریشلی اولدوغو بیلدیریلیر.