آمئریکا بیرلشمیش شتاتلاری مالییه ناظیرلیگی «ماقنیتسکی آکتی» اساسین‌دا روسییانین ۵ وطنداشینا سانک‌سییا تطبیق ائدیب.

آخار. آذ خبر وئریر کی، بو باره‌ده اینفورماسییانی آمئریکا بیرلشمیش شتاتلاری مالییه ناظرلیگی یاییب. قارا سیاهییا روسییا ایستینتاق کومیته‌سینین صدری آلئکساندر باستریکین (عدلیه گئنئرالی – رئد.) دوشوب. سیاهی‌دا همچینین آندرئی لوگوووی، دمیتری کووتون، ایستانیسلاو قوردیئوسکی، گئننادی پلاک‌سینین آدی یئر آلیب.

قئید ائدک کی، «ماقنیتسکی آکتی» ۲۰۱۲-جی ایلده آمئریکا بیرلشمیش شتاتلاری حکومتی طرفیندن قبول ائدیلیب. او زامان بو قانون یالنیز اینسان حاقلارینی پوزان روسییا وطنداشلارینا تطبیق ائدیلیردی. اوباما حاکمیتینین سونلارینا یاخین قانون بوتون دونیا دؤولتلرینه عایید ائدیلدی.

سیاهی‌دا یئر آلان آندرئی لوقوووی و دمیتری کووتون روسییا دئپوتاتلاری‌دیر. هر ایکی شخص مطبوعات طرفیندن روسییا فئدئرال تهلوکه‌سیزلیک خیدمتینین امکداشلاری آدلاندیریلیرلار. بو شخصلرین هر بیری سسری دؤولت تهلوکه‌سیزلیک کومیته‌سین‌ده ایشلدیکلرینی تصدیقله‌سه‌لر ده، فتخ ایله علاقه‌لرینین اولمادیغینی بیل‌دیریرلر. ماراق‌لی مقام اودور کی، هم لوقوووی، هم ده کووتون روسییا فتخ-نین کئچمیش امکداشی آلئکساندر لیتوینئنکونون بریتانییادا زهرلنه‌رک اؤلدورولمه‌سینین بیرباشا ایشتیراک‌چی‌سی ساییلیرلار.