پارلامئنت اؤلکه‌ده دؤولت چئوریلیشی ائدیب.

آخار. آذ خبر وئریر کی، بونو دؤولت تلویزییاسین‌دا چیخیشی زامانی ونزوئلا پرزیدنتی نیکولاس مادورو سؤیله‌ییب.

«پرزیدنت کیمی من خواهیش ائدیره‌م کی، کونستیتوسییانین پوزولماسینی جزاسیز قویمایاسینیز. میللی آسسامبلئیا دونن قیامچی مانیفئست قبول ائدیب»، – دئیه، او بیلدیریب.

قید ائدک کی، دونن ونزوئلا پارلامنتی پرزیدنت نیکولاس مادورونون صلاحیتلرینی ایجرا ائده بیلمدیینه گؤره ایستئفایا گئتمه‌سی حاق‌دا قرار قبول ائدیب. قرارین لیهینه ۱۰۶ میلت وکیلی سس وئریب. حکومت یؤنلو میلت وکیللری ایسه سس وئرمه‌دن اول سالنو ترک ائدیبلر. پارلامنتاریلر اؤلکه کونستیتوسییاسینین ۲۳۳-جو مادده‌سینه اویغون اولاراق حرکت ائدیبلر. مادده‌یه اساساً، پرزیدئنت صلاحیتلرینی ایجرا ائتمدیی تقدیرده یئنی سئچکیلرین کئچیریلمه‌سی نظرده توتولور.

قبول ائدیله‌ن قرار فاکتیکی اولاراق حقوقی گوجه مالیک دئییل. ونزوئلا قانونوئریجیلیین‌ده پرزیدنتین پارلامئنت طرفین‌دن ایمپیچمئنت ائدیلمه‌سی نظرده توتولماییب.

آرتیق ونزوئلا عالی محکمه‌سی پارلامنتین پرزیدنت نیکولاس مادورو باره‌سین‌ده ایستعفا قرارینی غیری-کونستیتوسیون ساییب.