تورکییه میللت‌چیلرینین دئمک اولار کی، هئچ بیری اؤلکه‌نین پرئزیدئنت ایداره ائتمه اصولونا کئچمه‌سینی ایسته میر.

آخار. آذ خبر وئریر کی، بونو تورکییه‌نین کرت تئلئویزییاسینا موصاحیبه‌سینده اصله‌ن آذربایجان تورکو اولان تورکییه‌لی ائکس-دئپوتات سینان اوغان سؤیله‌ییب. اوغان بو کونستیتوسییا دییشیکلیینین میللیت‌چی حرکات پارتییاسینین یوخ اولماسینا شرایط یاراداجاغینی بیلدیریب:

«میللتچی لر پارلامئنتار سیستئمی دستکله ییر. کونستیتوسییا دییشیکلیگی آشکار سیستئم دییشیکلیگی‌دیر. سیزه م.ه.پ-نین قاپیسینا قیفیل وورما صلاحیتینه صاحب اولاجاق سیستئمدن بحث ائدیره‌م. پرئزیدئنت‌لیک سیستئمی ایکی پارتییالی سیستئم دئمک‌دیر. پرئزیدئنت سیستئمی ایله علاقه‌لی ایکی سطر، ایکی مقاله اوخویان هر کس بیلیر کی، پرئزیدئنت‌لیک سیستئمینین ایکی شرطیندن بیری ایکی پارتییالی سیستئم‌دیر. دولایی‌سی یوللا م.ه.پ صاباح بو ایکی پارتییالی سیستئم ایچری‌سینده اریییب گئده‌جک. اونا گؤره کی، م.ه.پ آرتیق تورکییه‌نین دؤردونجو پارتییاسی‌دیر. حکومتین اساس مقصدی ه.د.پ ایله (خالقلارین دئموکراتیک پارتییاسی – رئد.) بیرگه اؤلکه‌یه فئدئرال سیستئمی گتیرمک‌دیر. صاباح بیر قرارنامه ایله اؤلکه‌نی فئدئراسییایا چئویرمه‌یه‌جکلرینین گارانتی یوخ‌دور. تئزلیکله موختار بؤلگه‌لرین گونده‌مه گله جه یی مومکون‌دور. سیز پرئزیدئنته دئمک اولار کی، سرحدسیز صلاحیتلر وئریرسینیز. اگر صاباح پرئزیدئنت دئسه کی، بو ویلایتلری بیرلشدیریب بیر بؤلگه ائدک، او زامان اونا قارشی دایاناجاق مئخانیزمینیز اولاجاق؟ طبیعی کی، یوخ».

ائکس-دئپوتات همچینین کونستیتوسییا دییشیکلیینین اؤلکه‌ده تئررورا سون قویمایاجاغینی بیلدیریب. اونون فیکرینجه، اصلین‌ده حکومت تئررور آدین‌دان اؤز مؤقع لرینی گوجله‌ن‌دیرمک اوچون ایستیفاده ائدیر:

«دوغرودور، تورکییه تئررورلا موجادیله ائدیر. پ.ک.ک تئررورونو بیز ۲۰۰۲-ده اقتداری تحویل وئردییمیزده یوخ ائتمه میشدیک؟ محو ائتمیشدیک. کیم اونلاری یئنیدن اویاندیردی؟ حل پروسئسینی (کورد آچیلیمی نظرده توتولور – رئد.) کیم گتیردی؟ حل پروسئسین‌ده «تئررورچولارا توخونمایین» امرینی کیم وئرمیش‌دی؟ آ.ک.پ وئردی. ایشید-i باشیمیزا کیم بلا ائتدی؟ «اسدی دئویرجییک» دئیه، تورکییه تئررورچولارین کاروانسارایینا چئوریلدی. تئررورون قارشیسینی آلماق اوچون ۱۵ ایلده آکپ هانسی قانونو ایسته‌ییب الده ائده بیلدی؟ فئتؤ-نو بو اؤلکه‌نین باشینا آ.ک.پ گتیرمه‌دی‌می؟ ایندی بو پارتییایا بؤیوک دستک وئره‌رک، تئررورون قارشی‌سینی نئجه آلاجاقسینیز؟»

قئید ائدک کی، سینان اوغان بوندان اؤنجه م.ه.پ سدرلیینه نامیزدلیینی ایر‌لی سوردویو اوچون پارتییادان اوزاقلاشدیریلیب.

تورکییه‌ده سون گونلر کونستیتوسییا دییشیک‌لیگی موذاکیره ائدیلیر. دییشیک‌لییه اساساً، اؤلکه پرئزیدئنت ایداره ائتمه اصولونا کئچمه‌لی، پرئزیدئنتین صلاحیتلری آرتیریلمالی‌دیر. دییشیک‌لیگی آ.ک.پ و م.ه.پ دستکله ییر. ج.ه.پ و ه.د.پ ایسه بونا ایزن وئرمه‌یه‌جکلرینی دئییرلر.