۲۳ یانواردا قازاخیستانین پایتاختی آستانادا روسییا-تورکییه-ایران آراسین‌دا کئچیریله‌جک سورییا بحرانی ایله باغلی گؤروش اوچون سون حاضرلیقلار گؤرولور. روسییا، تورکییه و ایرانین سورییانین گلجیینین معین اولونماسین‌دا لیدئر رولونو اویناماسین‌دان سونرا آنکارا ایله موسکوا آراسین‌دا یئنی بیر اتفاق قورولوب.

آخار. آذ خبر وئریر کی، "کومرسانت" قزئتینین معلوماتین‌دا آنکارا و موسکوانین ایلک دفعه بیرگه عملیات کئچیردیی بیلدیریلیب.

"کومرسانت" قزئتینین معلوماتین‌دا قید ائدیلیر: "موسکوا اوچون آنکارا ایله قورولان اتفاق جدی بیر اهمیت داشیییر و بعضی هدفلری رئاللاش‌دیرماقدا یاردیم ائدیر - قربین سورییا بحرانیندا رولونون قارشی‌سینی آلماق و آستانادا سورییا پرزیدنتی بشار اسدین مدت‌سیز اولاراق حاکمیت‌ده قالماسی باره‌ده ضمانت الده ائتمه‌یه چالیشان ایرانین رولونو محدودلاشدیرماق.

اسدین آنکارانین واسطه‌چی‌لیک رولونو تانیمادیغی، تهرانین تورکییه‌نین سورییاداکی حربی وارلیغینی و اردوغانین ایران طرفداری اولان سلاحلی قروپلاری اؤلکه‌دن چیخارماق جهدلرینی قبول ائتمدیی بیر دؤورده روسییا ایله تورکییه آراسین‌دا سیاسی یاخینلاشما اونملی بیر اهمیت کسب ائدیر.

تورکییه و روسییا تاریخلری بویونجا ۱۲ دفعه بیر-بیری ایله محاربه آپاریبلار، آنجاق الباب عملیاتین‌دا روسییا هاوا-کوسمیک قوه‌لرینین تورک اوردوسونا دستک وئرمه‌سی تاریخ‌ده ایلک دفعه بئله بیر حال یاشانماسینا تحفه وئردی".