آمئریکا بیرلشمیش شتاتلارینین یئنی سئچیلمیش پرئزیدئنتی دونالد ترامپلا باغلی گیزلی سندلری یایان شخص اینگیلتره جاسوسو ایمیش.

آخار .آذ «اوول ایستریت ژورنال» قزئتینه ایستینادن خبر وئریر کی، ۵۲ یاشلی کریستوفئر ایستیل اوزون مدت اینگیلتره خاریجی کشفیات ایداره‌سی - می۶-دا چالیشیب.

قزئت ایستیلین ۱۹۹۰-جی ایلده اینگیلتره‌نین موسکواداکی سفیرلیینده چالیشدیغینی یازیب. می۶ جاسوسو کیمی دفعه‌لرله اؤزونو دوغرولدان ایستیل حتی تشکیلاتین ۱۰۰ ایللیینده تشکیل اولونان مراسیمده گئنیش نیطق سؤیله‌ییب.

قئید ائدک کی، ایلک دفعه ج.ن.ن-این یاییملادیغی ۳۲ صحیفه‌لیک حئساباتدا روسییالی رسمیلرین ترامپا عایید چوخ گیزلی معلوماتلارا صاحب اولدوغو، سئچکی کامپانییاسی عرفه‌سینده آمئریکالی ایش آدامینین موسکوا ایله تئز-تئز علاقه ساخلادیغی وورغولانیب.

هم ترامپ، هم ده کرئمل یاییلان ادعالاری رد ائدیب.ایستیل حاضردا لوندون‌دا «اوربیس» آدلی تهلوکه‌سیزلیک شیرکتینین رهبریدیر.