"رئینا" قتلعامینی تؤره‌دن ۳۹ نفرین قاتلی، ترورچو عبدولکادیر ماشاریپوو یاخالانیب.

مساوات .کوم تورکییه تلویزییالارینا ایستینادا خبر وئریر کی ، ۱ یانوار ۲۰۱۷-جی ایل تاریخین‌ده ایستانبولون "رئینا" آدلی گئجه کلوبون‌دا قتلعام حیاتا کئچیره‌ن ترورچو یاخالانیب. تورکییه‌نی قانا بولایان و ۳۹ جان آلان اؤزبک اصیللی ترورچونون توتوقلانماسی بوتون تورکییه تلویزییالارینین اؤز یاییمینی یارددا کسمه‌سینه، ائفیری تام اولاراق بو مؤوضویا وئرمه‌لرینه سبب اولوب.

تورک مئدیاسی یازیر کی، تروریست عبدولکادیر ماشاریپوو ایستانبولون اوجقار رایونلارین‌دان اولان اسن یورددا آزیاشلی اوغلو ایله بیرلیک‌ده ساغ اولاراق اله کئچیریلیب.

اونون چوخ مرتبه‌لی ائولردن بیرین‌ده قالدیغی بیلدیریلیر. حاضردا ترورچونو پروسدورا اویغون اولاراق، "هاسئکی" خستخاناسین‌دا طببی معایینه‌دن کئچیردیب، داها سونرا سورغولایاجاقلار.

ابو محمد خوراسانی کود آدلی بو تروریستین ساغ اولاراق اله کئچیریلمه‌سی تورکییه حقوق محافظه اورگانلارینین بؤیوک اوغورو ساییلیر. چونکی بو قانلی ترورچو اؤزو ایله بؤیوک سیرلری گیزلدیردی. اورتادا چوخسایلی سواللار و بیلینمه‌سی گرکن سیرلر وار.

تورکییه مئدیاسینین خبرینه گؤره، ترورچو اسن یورددا ۴ یاشلی اوغلو ایله بیر قیرغیز دوستونون ائوین‌ده قالیرمیش. ترورچونون همین ائوده توتولدوغو بیلدیریلیر. قارداش اؤلکه مئدیاسی خبر وئریر کی، عملیاتی م ی ت و پولیس برابر حیاتا کئچیریبلر.