کانادادا بیر بینانین ۱۲-جی مرتبه‌سین‌ده باش وئره‌ن یانغین زامانی اینسانلاری خلاص ائد‌ن قاشیقچی اوغلو سویادلی تورک ائدمونتون بؤلگه‌سین‌ده قهرمان اعلان ائدیلیب.

آخار .آذ خبر وئریر کی، دفعه‌لرله یوخاری قالخاراق، یانان بینادا قالان اینسانلاری خلاص ائد‌ن پیتزا و دؤنر ساتیجی‌سی رضا قاشیقچی اوغلونون بو آددیمی یئرلی اهالی طرفیندن تقدیرله قارشیلانیب.

حادثه ایله باغلی دانیشان قاشیقچی اوغلو بونلاری دئییب:

«بینادان توستو چیخدیغینی گؤره‌ن‌ده حیات یولداشیما ۹۱۱- زنگ ائتمه‌سینی تاپشیردیم. اؤزوم ایسه «بینا یانیر» دئییب اطراف‌داکیلاری خبردار ائتدیم. سونرا بوتون منزیللرین یانغین سیگنالینی ایشه سالدیم، اینسانلار بینادان چیخماغا باشلادیلار. ۷-جی مرتبه‌ده توستو باسمیش بیر ائوده علیل آراباسین‌دا قالمیش یاشلی قادین گؤردوم. تئز اونو آراباسی ایله بیرلیک‌ده کورییمه آلیب، بینادان چیخاردیم. بیز تورکوک، بو، بیزیم اینسانلیق بورجوموزدور».

حادثه‌دن سونرا رضا قاشیقچی اوغلونون دوکانینا موشتری آخینی اولوب.

تورکییه‌نین اوتتاواداکی سفیری سلجوق اونال ایسه قاشیقچی اوغلویا زنگ ائد‌رک اونو تبریک ائدیب.