آمئریکا پرزیدنتی دونالد ترامپ وظیفه مدتینین ایلک ۱۰۰ گونون‌ده بئش کریتیک قرار قبول ائتمه‌لی اولاجاق. خاریجی و داخیلی سیاست‌ده سلفی باراک اوبامادان خیلی حل ائدیلممیش پروبلمی تحویل آلان ترامپ سئچگی قاباغی کامپانییادا وئردیی وعدلری ده یئرینه یئتیرمه‌لی‌دیر.

آخار. آذ خبر وئریر کی، یئنی پرزیدنتین خاریجی سیاست‌ده ایلک ایشی روسییا ایله موناسیبتلره آیدین‌لیق گتیرمک اولاجاق. ترامپ بوندان اول رسمی موسکوا ایله دوست علاقه‌لری قوراجاغینی دئمیشدی. روسییا طرفی ده علاقه‌لرین نورماللاشماسین‌دا ماراقلی‌دیر. چونکی گوندن-گونه گئریله‌یه‌ن اؤلکه اقتصادیاتی، سانک‌سییالار کرئمل رهبرینی داها یومشاق آددیم آتماغا وادار ائدیر.

بوتون بونلاری نظره آلدیق‌دا، پوتین-ترامپ گؤروشونون ایلک ۱۰۰ گون‌ده کئچیریلجیی تخمین ائدیلیر.

ترامپ سئچکی کامپانییاسین‌دا جینایت تؤرتمیش میلیونلارلا میقرانتی اؤلکه‌دن قوواجاغینی دئمیشدی. متخصصلر بو قدر امک قابیلیتلی اینسانین اؤلکه‌دن گئتمه‌سینین اقتصادیاتا منفی تأثیر ائدجیینی دئسه ده، ایلک ۱۰۰ گون‌ده بو مؤوضودا جدی آددیملارین آتیلاجاغی گؤزلنیلیر.

بونونلا یاناشی، مکزیکا ایله سرحده دیوار هؤرمک تکلیفی ده گونده‌مه گله بیلر.

پایتاخت واشینگتن‌دا کورروپسییا حاللارینا سون قویاجاغینی دئین ترامپ موختلیف قطبلرده یئر آلمیش ایری شیرکت رهبرلری و سیاسی قروپلاشمالارین سیاسته تأثیرینی آزالتماغی پلانلاشدیریر. بو ایستیقامت‌ده ده یئنی آددیملارین آتیلاجاغی تخمین ائدیلیر.

ترامپین ماساسی اوزرین‌ده دوران ایلک مسئله‌لردن بیری ده کانادا و مکزیکا ایله ایمضالانان شیمالی آمئریکا سربست تیجارت آنلاشماسینین یئنی‌دن موذاکیره ائدیلمه‌سی‌دیر. آیریجا، پرزیدنت‌لیک‌دن اول بیزنئسمن اولان ترامپ آوتوموبیل و دیگر صنایع اینوستیسییالارینین اؤلکه‌یه یاتیریلماسینی هدفله‌ییب.

آبش-این پاریس ایقلیم کنفرانسین‌دان چیخاجاغینی آچیقلایان یئنی پرزیدنت یئنیلنه‌ن انرژی قایناقلارینا یاتیریلان اینوئستیسییانین آزالدیلاجاغینی دئییب. بوندان باشقا او، اؤلکه‌نین نفت احتیاطلارینی دا آچاجاغینی بیلدیریب.