دونالد ترامپین آمئریکا پرئزیدئنتی کیمی فعالیته باشلاماسی ان چوخ آلمانییادا ناراحاتلیق یارادیب.

آخار. آذ خبر وئریر کی، آرتیق آلمانییا رسمیلری آرد-آردا بیاناتلار سسله‌ندیرمه‌یه باشلاییبلار. بئله کی، ژورنالیستلره آچیقلاما وئره‌ن آلمانییا خاریجی ایشلر ناظری فرانک والتر شتاینمایر اؤلکه‌سینین ترامپ دؤورون‌ده‌کی آغیر دؤنه‌ملره حاضر اولماسی گرکدیینی بیلدیریب:

«من امینم کی، برلین واشینگتوندا اونو دینله‌یه‌ن شخصلری تاپاجاق. اونا گؤره کی، بو دونیادا حتی ان بؤیوک اؤلکه‌لر بئله طرفداشلارا احتیاج دویورلار».

کانسلر آنگئلا مرکل ده هله اومیدینی ایتیرمدیینی بیان ائدیب. او، آمئریکا ایله تیجارت و حربی خرجلر مسئله‌سین‌ده کمپرومیس الده اولوناجاغینا اومید ائتدیینی بیلدیریب.

ئرکلدن اول چیخیش ائد‌ن کانسئرین معاوینی زیگمار گابریل ایسه برلینین اقتصادی جهتدن دایانیقلی اولماسی گرکدیینی بیلدیریب:

«آوروپا یئنی اقتصادی ایستراتئگییانین یارادیلماسینا حاضر اولمالی‌دیر. بو بیزه ترامپین پروتکسیونیست تیجارت سیاستیندن قورونماق اوچون لازیم‌دیر».