اینگیلتره‌ده «ترایدئنت» نووه پروگرامی چرچیوه‌سین‌ده بوش راکئت سیناغی اوغورسوزلوقلا نتیجلنیب.

آخار. آذ خبر وئریر کی، حادثه ایون آیین‌دا آمئریکانین فلوریدا شتاتی ساحللرین‌ده باش وئریب.

نووه سوالتی قاییغین‌دان آتیلان بوش «ترایدنت» راکتی آفریکانین قرب ساحلین‌ده معین اولونموش هدفه دوغرو ایستیقامتله‌نمک عوضینه آمئریکایا دوغرو اوچوب.

«ساندی تایمز»ین یایدیغی بو خبر اؤلکه‌ده بیرمعنالی قارشیلانماییب. نووه سلاحلارینین لغوینی طلب ائد‌ن بیر قروپ سیاست‌چی اینگیلتره حکومتینی بو ساحه‌ده آپاریلان آراشدیرمالارا سون قویماغا چاغیریب.

اؤتن گون بی بی سی-نین قوناغی اولان باش ناظر ترزا می مسئله‌یه موناسیبت بیلدیرمکدن چکینیب. باش ناظر ژورنالیست آندری ماررین حادثه‌دن خبری اولوب-اولمادیغینا دایر ۴ دفعه سوروشدوغو سوالا دقیق بیر جاواب وئرمه‌ییب.