روسییا مدافعه ناظیری سئرگئی شویقو اوکرایناداکی کونفلیکت و شیمالی قافقازداکی تئررورچولارین فعالیتی ایله علاقه دار جنوب حربی دایره‌سینین قوشونلارینین گوجلندیریلمه‌سی حاقین‌دا امر وئریب.

آخار. آذ خبر وئریر کی، بو باره‌ده اینفورماسییانی روسییا مدافعه ناظیرلیینین مطبوعات خیدمتی یاییب. ناظیر جنوب حربی دایره‌سینین یئنی سیلاحلارلا تجهیز ائدیلمه‌سینی ده امرینده وورغولاییب.

قئید ائدک کی، جنوب حربی دایره‌سی ۲۰۱۰-جو ایلده فورمالاشدیریلیب. بو دایره‌نین مقصدی روسییانین جنوب-غرب سرحدلرینی، خصوصیله، شیمالی قافقازی مدافعه ائتمک‌دیر. جنوب حربی دایره‌سینین ترکیبینه شیمالی قافقازداکی بوتون نؤو قوشون بیرلیکلری ایله یاناشی، خزر، قارا دنیز دونانمالاری، ائرمنیستان، قوندارما جنوبی اوسئتییا و آبخازییاداکی روسییا حربی بازالاری داخیلدیر. جنوب حربی دایره‌سی ناتو-نون شرقه دوغرو گئنیشله‌نمه‌سی ایله علاقه دار ۲۰۱۳-۲۰۱۶-جی ایللرده یئنی تئکنیکالارلا تجهیز ائدیلمه‌یه باشلانیلیب. بونونلا علاقه دار شیمالی قافقاز و ائرمنیستان‌دا ایسگندر-م راکئتلری یئرلشدیریلیب.