سورییا پرزیدنتی بشر اسدین ایفلیج اولماسی باره‌ده یاییلان خبرلر گئتدیکجه اؤز تصدیقینی تاپیر. آرتیق بیر نئچه نفوذلو آگئنت‌لیک اسدین صحتینین پیسلشیدیینی بیلدیریر.

آخار. آذ خبر وئریر کی، سورییا لیدری ۴ گون اول دمشق‌ده‌کی مشفی الشام خسته خاناسینا یئرلشدیریلیب.

سورییا رژیمینه یاخین «الحیات» قزتی اسدین یوکسک تضییقینین (فشار) اولدوغونو، بو سبب‌دن گؤرمه قابیلیتینی دئمک اولار کی، ایتیردیینی یازیب.
"ال-جزیره" تلکانالینین ژورنالیستی فایسال قاسیم ایسه بیر قدر ده قاباغا گئده‌رک، بشر اسدین کومایا دوشدویونو و یا اؤلدویونو ادعا ائدیب. استار-این معلوماتینا گؤره، ژورنالیست بو باره‌ده تویتتر حسابیندا یازیب.

رژیمین خاریجی ایشلر ناظرلییی اسدین صحتی ایله باغلی یاییلان خبرلری تکزیب ائدیر.

آنجاق یئنی شفق-ه دانیشان بعضی قایناقلار پرزیدنتین حاضردا خسته خانادا، جدی حکیم نظارتین‌ده اولدوغونو دئییب. اسدین اؤلمه‌سی باره‌ده ایسه هئچ بیر دقیق معلومات یوخدور.