ایستانبول آتاتورک هاوا لیمانینین گیریشین‌ده ایچری‌سین‌ده اوچ نفرین اولدوغو بیر میکروآوتوبوس پلیسین "دور" خبردارلیغینا محل قویمایینجا تکرلرینه آتش آچیلیب. میکروآوتوبوس درحال حرکت ایستیقامتینی دییشه‌رک سرعتی آرتیریب.

میللی. آذ خبر وئریر کی، یاشانان حادثه ایله علاقدار ترورلا مباریزه شعبه مدیرلیگی ایله خصوصی تیینات‌لی شعبه‌یه معلومات وئریلیب. قاچماغا چالیشان شخصلری پولیسلرین تعقیب ائتدیی دئییلیر.

حادیثه ایله باغلی تاکسی سوروجوسو سافت ایگید "شبهه‌لی بیر میکرواوتوبوس پلیس پوستونا دوغرو گلدی. پولیسلر میکرواوتوبوس‌داکیلارین حرکتلریندن شبهه‌لندی و اونلارا میکرواوتوبوسو کنارا چکمه‌سینی خواهیش ائتدیلر. سوروجو دایانماییب میکروآوتوبوسو پلیسلرین اوستلرینه دوغرو سورونجه، پلیس آتش ائتمه‌یه باشلادی" دئییب.