هله ایندییه قدر موسکوانین ارمنیستانداکی سئچکییه بو قدر یوکسک سوییه‌ده قوشولماسی مشاهی‌ده ائدیلمه‌ییب.

آخار. آذ خبر وئریر کی، بونو «ت رت. آم» سایتینا آچیقلاماسیندا ارمنی پولیتولوگ داوید شاه نظریان سؤیله‌ییب.

«بو سئچکینین داها بیر اؤزللیگی سیاسی فیکیر آیریلیقلارینین اولماماسیدیر. اولر ارمنیستانی آوروپا مدلینه بنزر دؤولت شکلینده گؤرمک ایسته‌یه‌ن قوه‌لر آرتیق بو مسئله‌ده جدی کومپرومیسه گئدیبلر. بونا گؤره ده ارمنیستانی آوروپا دؤولتی کیمی گؤرمک ایسته‌یه‌ن دولتلر یومشاق شکیلده دئسک، سئچکی‌ده فعال ایشتیراک ائتمه‌یه‌جک. اوسته‌لیک، سئچکی‌ده ایشتیراک ائد‌ن بلوکلارین چوخو اؤزلرینین حاکمیتدن یاخشی اولدوغونو گؤسترمه‌یه بئله جهد ائتمیرلر. بو معنادا اونلار یالنیز دئییرلر کی، بیز گلجییک و هر شئی یاخشی اولاجاق. موسکوا اوچون ارمنیستاندا ان بؤیوک پروبلم اؤلکه‌ده آنتی‌روسییا احوال-روحییه‌سینین آرتماسی‌دیر. بو سئچکی واسطه‌سیله موسکوا بو مسئله نی حل ائتمه‌یه چالیشیر. بیر سؤزله، یئنی پارلامنت داها چوخ دومایا بنزه‌یه‌جک.

یعنی بورادا سیاسی مخالیفت اولمایاجاق. ان یاخشی حالدا پارلامنته بیر نئچه مستقیل میلت وکیلی بوراخاجاقلار. ارمنیستانین سیاسی سیستمی جدی پروبلمدیر و سئچکیده ایشتیراک ائد‌ن سیاسی سوبیکتلر ده بو پروبلمین حلی یوخ، بیر حیصه‌لریدیر. بو سئچکی واسطه‌سیله موسکوانین ارمنیستانین داخیلی سیاسی پروسسلرینه تأثیری آرتاجاق. یئنی پارلامنت ارمنیستانین داخیلی سیاسی ثابیت لیینی ساغلایان اورگان اولمایاجاق. منجه، موسکوانین تأثیری ایله یئنی اجتماعی و حؤکومت داخیلی جدی سیلکه‌له‌نمه‌لر یاشاناجاق»، – پولیتولوگ بیلدیریب.

قید ائدک کی، آپرلین ۲-ده ارمنیستان‌دا پارلامنت سئچکی‌سی کئچیریله‌جک.