فرانسا پرزیدنتی فرانسوا اوللاندین ارمنی ایجماسی ایله گؤروشونده داغلیق قاراباغ مناقیشه‌سینین حلینده خالقلارین اؤز مقدراتینی تعین ائتمه پرینسیپینین اساس گؤتورولمه‌سی باره‌ده سسلندیردیی فیکیر ارمنی لوببیسینین تأثیری آلتیندا سرگیلنه‌ن مؤقع‌دیر.

بونو ترند-ه میللی مجلیسین میلت وکیلی روشن رضایئو دئییب.

ر. رضایئو بیلدیریب کی، بین الخالق حقوق پرینسیپلرینین اساس مرامی دؤولتین اراضی بوتؤولویونون پوزولماماسیدیر: «بو بیرمعنالی‌دیر. اوللاندین سسلندیردیی فیکیر ایسه ارمنی لوببی‌سینین تأثیری آلتیندا دئییلیب و اونلارین دستیینی قازانماق مقصدی داشیییر. تأسف ائدیره‌م کی، آتت-این مینسک قروپونون همصدری اولان فرانسا پرزیدنتی بو جور قیری-اوبیکتیو مؤقع اورتالیغا قویور».

میلت وکیلی وورغولاییب کی، بو عینی زاماندا فرانسانین مینسک قروپونون همصدری کیمی اوبیکتیولیینی شبهه آلتینا قویور.

قید ائدک کی، فرانسا پرزیدنتی فرانسوا اوللاند ارمنی دیاسپورونون عضولری ایله گؤروشده بیلدیریب کی، "مادرید پرینسیپلری" تطبیقی اولونارکن داغ‌لیق قاراباغ ارمنیلری اؤزلری اؤز مقدراتینی معین ائتملیدیرلر.