بیر نئچه گون اؤنجه روسییا قیریجیلارینین الباب‌دا تورک حرب‌چیلرینی هدف آلماسی ایله باغلی شوک ادعا یاییلیب.

آخار. آذ خبر وئریر کی، «یئنی شافاک» قزتینه معلومات وئره‌ن حربی منبع روسییانین ۳ تورک عسگرینین اؤلومو ایله نتیجه‌لنن همین اولایی قصداً تؤرتدیینی بیلدیریب.

ادعایا گؤره، همین گون روسییا طرفی کووردینایا کاناللارینی آچیق ساخلاماییب:

«کووردینیاسینین بیر طرفی بیزیم، دیگر ایسه اونلارین (روسلارین) الین‌ده‌دیر. اگر سیزه لازیم دئییلسه، کووردیناسییا کانالینی باغلی ساخلایارسینیز. کیمسه اورادا اوچوب-اوچمادیغینیزی بیلمز. بو کانال ایشه یارایاندا آچیلیر».

قید ائدک کی، همین اولایلا باغلی روسییا لیدری ولادیمیر پوتینله تورکییه‌لی همکاری رجب طایییب اردوغان آراسین‌دا تلفون دانیشیغی باش توتموشدو.
کرئمل رهبری باش وئره‌ن حادثه‌دن درین کدرلندیینی بیلدیره‌رک،عذرخواهلیق ائتمیشدی.