ایسرایلین ۶۰ نفرلیک خصوصی تعیناتلیسی بحرینه گلیب.

آخار. آذ خبر وئریر کی، بو باره‌ده اینفورماسییانی لیوان مدیاسی یاییب. مطبوعات ۶۰ نفرلیک قروپو بحرین داخیلی ایشلر ناظیرلیینین خصوصی نمایندلرینین قارشیلادیغینی و اونلاری نامعلوم ایستیقامتده آپاردیقلارینی بیلدیریب.

ایسرائیل طرفی ده آرتیق یاییلان معلوماتلارا آیدینلیق گتیریب. اؤلکه‌نین رگیونال علاقه‌لر ناظرلیگی بحرینله ایسرائیل آراسیندا اقتصادی علاقه‌لرین اولدوغو حاقیندا اینفورماسییا یاییب. ناظرلیک همچینین تل-اویوله منامه آراسیندا بحرین پلیس ینین پروفسیوناللیغینین آرتیریلماسی ایله باغلی دا راضیلاشما اولدوغونو بیلدیریب.

قید ائدک کی، ایران ایندییه قدر بحرینی اؤز تأثیر زوناسی حساب ائدیر. تهران بوندان اؤنجه دفعه‌لرله آدا دؤولتینده سنی آزلیغین حاکمیتده اولماسیندان ایستیفاده ائد‌رک شیعه‌لره دستک وئریب. ایرانین بو آددیمی بؤلگه‌ده عرب اؤلکه‌لرینین کسکین اعتراضینا سبب اولوب.

ایسرایل ایسه سون گونلر یاخین شرقده‌کی عرب اؤلکه‌لری ایله مناسیبتلرین گئنیشلندیریلمه‌سی اوچون گیزلی دانیشیقلارا باشلاییب. رسمی تهران ایسرائیلین بو آددیمی عرب اؤلکه‌لرینی ایرانا قارشی قالدیرماق اوچون آتدیغینی بیان ائدیب.