تورکییه ایله قطر آراسیندا مناسیبتلر سویوماغا باشلاییر.

آخار. آذ خبر وئریر کی، بو ادعا ایله تورکییه‌نین «سؤزجو» قزئتی چیخیش ائدیب. قزئت، خصوصیله، اردوغانین سون قطر سفرینه دقت چکیب:

«بو سفردن ساده‌جه ایکی آی اول قطر امیری شئیخ تمیم حماد التانی تورکییه‌یه سفر ائد‌نده اردوغان شخصاً اؤزو هاوا لیمانینا گئده‌رک اونو قارشیلامیشدی. آنجاق اردوغان قطره گئدنده اونون هاوا لیمانیندا امیر یوخ، قطرین انرگتیکا و صنایع ناظری محمد السدا قارشیلادی. ماراقلی مقام اودور کی، اردوغان اقتدارا گلدیکدن سونرا سعودییه عربیستانی و قطر کیمی اؤلکه‌لرله علاقه‌یه خصوصی دقت آییریردی. بو اؤلکه‌لرله هر ایل ان یوکسک سوییه‌ده ان آزی ۳-۴ قارشیلیقلی سفر گئرچکلشیردی. اردوغان هم باش ناظر، هم ده پرزیدنت اولاندا بو سیاستیندن ال چکممیشدی. پرزیدنتین سون فارس کؤرفزی سفرینین ایلک مرحله‌سینده بو عنعنه‌یه عمل ائدیلیردی. بئله کی، بحرینده اردوغانی کرال حماد بین عیسی ال-خلیفه، باش ناظر خلیفه بین سالمان ال-خلیفه، ولیهد شاه‌زاده سالمان بین حماد ال-خلیفه قارشیلادیلار. سعودییه عربیستانیندا دا وضعیت دییشمدی. تورکییه لیدرینی قارشیلاماق اوچون هاوا لیمانینا شخصاً کرال سالمانین اؤزو گلمیشدی. قطرده ایسه بو، مشاهده ائدیلمدی».

قید ائدک کی، قطر تورکییه‌نین یاخین شرقده اساس متفیقی ساییلیر. تورکییه‌نین بو اؤلکه‌ده ۳ مین نفر شخصی هئیتی اولان حربی بازاسی وار.