ایراندا آذربایجان تورکجه‌سینده فعالیت گؤسترن تله کانال آچیلمالیدیر.

آخار. آذ خبر وئریر کی، بو سؤزلری اورمییه شهرینین ایران پارلامنتینده‌کی آذربایجانلی میللت وکیلی هادی بهادری فورالین ۱۵-ده چیخیشی زامانی دئییب. ایران پارلامنتینین رسمی سایتی «خانه ملت» آذربایجانلی میللت وکیلینین چیخیشینی درج ائدیب.

«ایران حاکمیتیندن آذربایجانین اقتصادی پروبلملرینی و اورمییه گؤلو بحرانینین حلی یولونو ایستییریک. پهلوی حاکمیتی اوزون ایللر آذربایجانین تاریخینی دییشدیرمک و بورداکی اتنیک کیم‌لییی یوخ ائتمک نیتینده اولوب. رضاخان پهلوی و اونون اوغلو بیزیم میللی گئییملریمیزه دایم ایراد بیلدیریب. بو گون قارشینیزا آذربایجانین میللی گئییمینده چیخاراق بیلدیرمک ایستمیشه‌م کی، ایسلام رئسپوبلیکاسی ایرقچی‌لییه سون قویاراق، اتنیک حقوقلاری قبول ائدیر. بیز بوندان سونرا آذربایجان خالقی اولاراق، بیزی تحقیر ائد‌نلری ان سرت شکیلده جزالاندیریلماسینی طلب ائدیریک.

کونستیتوسییانین ۱۵ و ۱۹-جو مادده‌لرینه اساساً، حقوقلاریمیزین برپا و آنا دیلیمیزده تحصیل آلما حقوقونون ایجرا ائدیلمه‌سینی ایران پرزیدنتیندن گؤزلییریک»، - بهادری بیلدیریب.

اورمییه‌لی میللت وکیلی چیخیشینی صمد وورغونون «آذربایجان» شعری ایله یکونلاشدیریب.

چیخیشین ویدئو گؤرونتوسونو تقدیم ائدیریک: