بنگلادئش اصیللی مسلمان اینگیلتره وطنداشی محمد ژوهئل میاه ایسلاندییانین پایتاختی ریکیاویکدن آمئریکانین نیو یورک شهرینه اوچان ریسه بوراخیلماییب.

آخار. آذ خبر وئریر کی، بو بارده اینگیلتره مطبوعاتی معلومات یاییب.

بئله کی، هاوا لیمانین امکداشلاری اونون مسلمان اولدوغونو اؤیرندیکدن سونرا اولجه گئییملرینی چیخاریبلار و داها سونرا اونون اوزرینده یوخلانیش آپاریبلار.

مسلمان سرنیشین ایسه بو اولایدان درین سارسینتی کئچیردیینی بیلدیره‌رک اؤزونون گوناهسیز اولدوغونو دئییب: «بوتون قایدالارا عمل ائتدیم. اما یئنه ده منیمله جینایتکار کیمی داوراندیلار. اصلا جینایت تؤرتممیشم. شوک کئچیردیم. بونون باش وئردیینه اینانا بیلمیردیم. اؤزومو گوجسوز حس ائتدیم. هدفده اولسام دا، بونا قارشی هئچ نه ائده بیلمیردیم. آدیمین محمد اولماسی اؤیرنیلدیکدن سونرا بوتون بونلار باش وئردی».

قید ائدک کی،آمئریکا لیدری دونالد ترامپ ۷ موسلمان اؤلکه‌سی ایله باغلی سیاحت قاداغاسینین تطبیق ائدیلمه‌سی باره‌ده سرانجام ایمضالاییب.