دونن قافقاز مسلمانلاری ایداره‌سینده "خوجالی سویقیریمی خالقین قان یادداشیدیر! "خوجالییا عدالت!" آدلی تدبیرده چیخیش ائد‌ن دؤولت مشاویری کمال عبدالله ایشغالدان آزاد اولونان جوجوق مرجانلی کندینده ارمنیلر طرفیندن واندالیزمه معروض قالمیش بیر نئچه ائوین آچیق سما آلتیندا ایشغال موزئیی کیمی قالماسینی تکلیف ائدیب.

کولت. آذ خبر وئریر کی، شرق. آذ-آ آچیقلاما وئرن میلت وکیللری ک. عبدالله نین تکلیفینی دستکله‌ییبلر.

میللت وکیلی فاضیل مصطفی بونون تقدیرلاییق و یئرینده اولان بیر تکلیف اولدوغونو دئییب.

میللت وکیلی فضایل ایبراهیملی ده بئله بیر ایشغال موزئیینین ماراقلی اولدوغونو دئییب:

«ارمنی وحشیلیینین بیر گؤستریجیسی، اونلارین آمانسیزلیغینین ثبوتو کیمی داغیلان ائولردن بیر نئچه‌سینی موزئی اولاراق ساخلاماق ضروریدیر. حساب ائدیره‌م کی، گله‌جک نسیللرین "ارمنی کیمدیر؟» سوالینا بوندان داها توتارلی جاواب اولا بیلمز. بیر وار جوجوق مرجانلینین ارمنیلر طرفیندن تالاندیغینا، یئرله-یکسان اولدوندوغونا دایر تاریخی فاکتلاری سادالایا، اونلارا یازیلان معلوماتلاری اوخویاسان، بیر ده وار کی، سادجه شهادت بارماغینلا داغیلان ائولری گؤستره‌سن. آتالار بوشونا دئمه‌ییب کی: "مین دفعه ائشیتمکدنسه، بیر دفعه گؤرمک یاخشی‌دیر». گنجلره میللی وطنپرورلیک دویغولارینین، تورپاق سئوگیسینین آشیلانماسی ایستیقامتینده بو جور آددیملارین آتیلماسینا احتیاج وار. بیز تاریخیمیزی یاشاتمالی و گله‌جک نسیللره چاتدیرمالیییق».