روسییا ماراقلاری آذربایجان ماراقلاری ایله اوست-اوسته دوشنده ارمنیستان آغیر وضعیتده قالاجاق. اونا گؤره ده داها پیس وضعیتله قارشیلاشماماق اوچون قاراباغ مناقیشه‌سینی ایندی حل ائتملیگیک.

پوب‌لیکا.آز خبر وئریر کی، بو باره‌ده "ارمنی میللی کنگرسی"نین فراکسییا رهبری آرام مانوکیان دئییب.

اونون سؤزلرینه گؤره، لیدرلری لوون تر-پتروسیان دا عینی مسئله نی بیلدیریردی: «ایندی روسییا رگیون‌دا اؤز تأثیرینی آرتیرماغا چالیشیر. بو وضعیتله راضیلاشیب مینیمال ایتکیلرله مسئله نی حل ائتملیگیک. بو راضیلاشمادا معین اراضیلرین قایتاریلماسی ایله ده راضیلاشمالیییق. اگر ائتمسک، اوندا داها چوخ ایتکیلر وئرجییک».

مانوکیان علاوه ائدیب کی، ارمنیستان پوتینین چکمه‌سی آلتیندا قالیب.

«ارمنیستان ضعیف دئییل، ساده‌جه آخماقدیر. ایندی مناقیشه‌نین حل اولونماسی شانسی یارانیب و بیز واخت ایتیرمدن بونا گئتملیگیک»، - دئیه او بیلدیریب.