ایرانین کئچمیش پرزیدنتی محمود احمدی‌نژاد آمئریکا پرزیدنتی دونالد ترامپا مکتوب گؤندریب.

آخار. آذ خبر وئریر کی، بو باره‌ده کئچمیش پرزیدنتین اؤزو معلومات وئریب.

احمدینژادین سؤزلرینه گؤره، مکتوب ایرانین ایسوچره‌ده‌کی سفیرلیگی واسطه‌سیله گؤندریلیب. مکتوبدا محاربه‌یه، قتللره، خالقلارین مجبورن اؤز یوردلاریندان کؤچمه‌سینه گتیریب چیخاران آمئریکانین باشقا اؤلکه‌لرین داخیلی ایشلرینه قاریشماسی تنقید اولونوب.

بوندان باشقا، احمدی‌نژاد آمئریکانین بیرلشمیش میلتلر تشکیلاتین داکی هگمونلوغونو دا سرت تنقید ائدیب.

کئچمیش پرزیدنت مکتوبدا آمئریکا حاکمیتینی باشقا خالقلارا و ایرقلره حؤرمتله یاناشماغا چاغیریب.

قید ائدک کی، محمود احمدینژاد اؤتن ایل باراک اوبامایا، ۲۰۰۶-جی ایلده ایسه اوغول جورج بوشا مکتوب گؤندرمیشدی.