ارمنیستانین کئچمیش مدافعه ناظری سئیران اوهانیان باش ناظر کارن کاراپئتیانین اونو یاناجاق اوغورلوغوندا گوناهلاندیرماسینا رئاکسییا وئریب.

آخار. آذ «ژاماناک» قزئتینه ایستینادا خبر وئریر کی، اوهانیان باش ناظرین اتهاملارینا اؤز آداملاری آراسیندا رئاکسییا وئریب. کئچمیش ناظر دئییب کی، اوردوداکی یاناجاق پروبلمی ایله باغلی مسئله‌یه ارمنیستانا نفت محصوللاری ایدخال ائد‌ن «فلش» کومپانییاسینین رهبری بارسق بقلاریاندان حساب سورولمالی‌دیر. او، اؤزونون بو مسئله‌یه هئچ بیر آیدیاتینین اولمادیغینی و یاناجاقلا باغلی اونا پروبلم یارادیلاجاغی تقدیرده بوتون گناهکارلارین آدینی چکجیینی سؤیله‌ییب.

قید ائدک کی، دونن باش ناظر کارن کاراپتیان آپرل دؤیوشلری زامانی ارمنیستان اوردوسونون یاناجاقلا باغلی پروبلملری اولدوغونو و حربی تئکنیکانین بونون اوجباتین‌دان ایشلمدیینی بیلدیریب.