اینگیلتره خاریجی ایشلر ناظری باریس جونسون روسییالی همکاری لاوروون دعوتینی قبول ائد‌رک مسکوایا سفر ائد‌جک.

آخار. آذ خبر وئریر کی، اینگیلتره خاریجی ایشلر ناظیری آچیقلاماسیندا بو سفرده اینگیلتره-روسییا علاقه‌لری ایله یاناشی بیر چوخ بین الخالق مسئله‌لرین مذاکیره ائدیلجیینی بیلدیریلیب:

«باش ناظر ترزا می و خاریجی ایشلر ناظری جونسون روسییایا یؤنلمیش «علاقه قور، آنجاق دقت ائت» سیاستینی آچیق بیر شکیلده گؤستردی. زیارت ده بو یاناشما ایله تمامیله اویغوندور».

خاریجی ایشلر ناظیرلییی آچیقلاماسیندا ایکی دؤولت آراسینداکی مناسیبتلرین نورماللاشمادیغینی دا قئید ائدیب:

«بو سفر هر شئیین نورماللاشدیغی معناسینا گلمیر. خاریجی ایشلر ناظری فیکیر آیریلیقلاری اولان مؤوضولاردا قتعیتلی اولماغی داوام ائتدیرجک. میلی ماراقلاریمیزا اویغون یئرلرده اینگیلترنین روسییا ایله علاقه قوراجاغی مؤوضوسوندا هر زامان آچیق اولدوق. سفرین نه واخت اولاجاغی ایله باغلی دقیق معلوماتلار یاخین بیر زاماندا آچیقلانیلاجاق.