«قادین منطیقی» آنلاییشی بیر سیرا اؤلکه عالیملری طرفیندن اؤیرنیلیر. بو ایستیقامتده آپاریلان آلتی مین نفرین ایشتیراک ائتدیی تدقیقاتلارین نتیجه‌سینده بللی اولوب کی، کیشی و قادین منطیقی آراسیندا خصوصی بیر آیریجالیق یوخدور.

آخار. آذ خبر وئریر کی، هر ایکی جینسین نماینده‌لرینین ایشتیراک ائتدیی تدقیقاتلار تست تاپشیریقلاری اساسیندا آپاریلیب. ایشتیراکچیلارا اؤزلرینی تستلرده گؤستریلن شخصین یئرینه قویمالاری، چتین آندا اونون یئرینه قرار قبول ائتمه‌لری تاپشیریلیب. ایمتحانلارین نتیجه‌سینده کیشی و قادینلار آراسیندا دوشونجه طرزینده چوخ بؤیوک فرق قیده آلینماسا دا، وضعیتین قیمتلندیریلمه‌سی باخیمیندان فیکیر آیریلیغی مشاهیده ائدیلیب.

عالیملر بونو قادین حساس‌لیغی و پریوریتت مختلیفلییی ایله ایضاح ائدیبلر. بئله کی، کیشی دوشونجه طرزینین داها راسیونال، قادینلارین ایسه معنوی عذاب وئره بیله‌جک قرارلاردان چکینگه‌ن اولدوغو مشاهیده ائدیلیب.

نؤوبتی، اموسیونال فاکتورلارین اولمادیغی تستلرده ایسه هر ایکی جینسین نماینده‌لرینین وئردیکلری قرارلار آراسینداکی فرق تخمینی اون فایز تشکیل ائدیب. بوندان علاوه بللی اولوب کی، قرارین وئردیکلری زامان و اینفورماسییانین توپلانماسی کیمی عامللر اساس رول اویناییر. کیشیلر قادینلارا نیسبتا داها تز و مستقیل قرار قبول ائدیر. قادینلار ایسه آلیناجاق قراری هرطرفلی دوشونمه‌یه و بونون اوچون مختلیف رأی لر اؤیرنمه‌یه اوستونلوک وئریرلر.

تدقیقاتچیلارین فیکرینجه قادین منطیقینین کیشیلره نیسبتا داها بیر اوستون جهتی ده اؤز فیکیر و دوشونجه‌لری ایله اطراف محیطله بؤلوشمه‌سیدیر.