۲۰۱۶-جی ایلده بوتون دونیادا اینسان حاقلاری ان چوخ آمئریکا بیرلشمیش شتاتلاریندا پوزولوب.

آخار. آذ خبر وئریر کی، بو سؤزلری یئنی آذربایجان پارتییاسیندان میللت وکیلی، میللی مجلیسین حقوق سیاستی و دؤولت قوروجولوغو کومیته‌سینین عضوو ملاحت ایبراهیم قیزی آمئریکا دؤولت دپارتامنتینین آذربایجانلا باغلی حساباتینداکی تنقیده مناسیبت بیلدیررکن آزادلیق رادیوسونا دئییب.

«اؤتن ایل آمئریکادا سئچکی واختی پرزیدنتلییه نامیزدلر، ائلجه ده سئچکیده قالیب گلمیش دونالد ترامپ اینسان حاقلاری ایله باغلی چوخ جدی مساژلار گؤندریردی. ایستر میقرانتلارلا، ایسترسه ده مسلمان اؤلکه‌لریندن گلنلرین بیرلشمیش ایشتاتلارا بوراخیلماماسی ایله باغلی بئله مئساژلار ایندی ده داوام ائدیر. حتی آمئریکادا سؤز آزادلیغینین دورومو ایله باغلی دا جدی ناراحاتلیقلار وار"، - میللت وکیلی بیلدیریب.

ایبراهیم قیزی دئییب کی، اینسان حاقلاری حساباتیندا یورد-یوواسیندان دیدرگین دوشموش ۱ میلیوندان آرتیق آذربایجانلی قاچقین و مجبوری کؤچکونون حقوقلاریندان دانیشماق لازیمدیر، نینکی ۲۵ ایللیک مستقیللیک تاریخی اولان دؤولتده اینسان حاقلاری، مئدیا آزادلیغینین دورومونا دایر میکروسکوپلا نگاتیو آختارماق.

قید ائدک کی. دؤولت دپارتامنتینین ۲۰۱۶-جی ایلله باغلی حساباتیندا تورکییه‌ده اینسان حاقلاری باغلی دا تنقیدلر یئر آلیب. حتی حساباتدا «ارمنی سؤزو تورکییه‌ده هله ده تحقیر ساییلیر» بیلدیریله‌رک، بو فاکت «ائتنیک آزادلیقلارین محدودلاشماسی» اولاراق قبول ائدیلیب.

قریبه‌دیر کی، بو فاکتدان حاکم پارتییایا قارشی دا ایستیفاده ائدیلیب. قید ائدیلیب کی، چوخمیلیونلو میتینگده (!) بیر قروپ شخص ارمنیلر علیهینه شعار سسلندیررکن، چیخیش ائد‌ن اردوغان اونلارا اعتراض ائتمه‌ییب.