نیدرلاند خاریجی ایشلر ناظری برت کوندرس تورکییه‌لی همکاری مؤولود چاووش اوغلویا زنگ ائد‌رک، اونون بو اؤلکه‌یه سفرینین آرزولانان اولمادیغینی، گلجیی تقدیرده ایسه رسمی قارشیلاما مراسیمی کئچیریلمیجیینی بیلدیریب.

آخار. آذ خبر وئریر کی، بو باره‌ده نیدرلاند حکومتی معلومات یاییب.

رسمی آچیقلامادا همچینین نیدرلاند کرالیغینین باش ناظری مارک روتتنین «چاووشوغلونون نیدرلاندا گلمه‌سی پروبلم دئییل. او، بورایا ماوریچخئیس موزئیینی و لاله‌لری گؤرمه‌یه گله بیلر. اما سیاسی توپلانتیلارین کئچیریلمه‌سینی ایسته میریک»، - سؤزلری قید ائدیلیب.

خاطیرلاداق کی، تورکییه حکومت نماینده‌لرینین نیدرلانددا رفرندوملا باغلی کئچیرمک ایستدیی تشویقات کامپانییاسینا قویولان قاداغا حاقدا دانیشان چاووش اوغلو بوتون مانعه‌لره رغما، نیدئرلاندا گئدجیینی دئییب.