ارمنیستان گرک آوروپا بیرلیینین تام حقوقلو عضوو اولسون.

آخار. آذ خبر وئریر کی، بونو ژورنالیستلره آچیقلاماسیندا ارمنی میلت وکیلی خاچاتور کوکوبئلیان سؤیله‌ییب.

«پارلامنت سئچکی‌سینه قاتیلان ۹ سیاسی قوه‌دن تکجه بیز ارمنیستانین آوراسییا اتفاقیندان چیخماسینی ایستییریک. اگر قالیب گلسک، پلانیمیزی رئاللاشدیراجاغیق. بیز ایستییریک کی، ارمنیستان آزاد اؤلکه اولسون»، – دئیه او بیلدیریب.

قید ائدک کی، ارمنیستان‌دا پارلامنت سئچکیسی آپرلین ۲-ده باش توتاجاق. سئچکینین فاووریتی حاکم رئسپوبلیکا پارتییاسی، اوهانیان-رافی-اوسکانیان بلوکو و کئچمیش پرزیدنت لیوون تر-پطروسیانین ارمنی میللی کنگرسی حساب ائدیلیر. بو پارتییالاردان هئچ بیری ایندییه قدر آوراسییا اتفاقی ایله باغلی کسکین مؤقع نماییش ائتدیرمه‌ییب. یگانه اولاراق پطروسیانین پارتییاسی قاراباغلا باغلی گذشتلردن بحث ائدیب.