آمئریکانین هاوایی شتاتی محکمه‌سی پرزیدنت دونالد ترامپین ۶ اؤلکه‌یه قارشی ایمضالادیغی میقراسییا فرمانینین ایجراسینی دایاندیریب.

آخار. آذ خبر وئریر کی، فرمانین ایجراسی هاوای بؤلگه‌سینین حاکمی دئرریک اووتسون طرفیندن تاخیره سالینیب.

هاوای ایالتینین وکیللری مسلمانلاری هدفه آلان فرمانین آمئرکا کونستیتوسییاسینین ایلک مادده‌سینی پوزدوغونو، همچینین ایالت‌ده‌کی ایش و تحصیل موسیسه‌لرینین، توریزم سئکتورونون اینکیشافینا منفی تأثیر ائتدیینی بیلدیریبلر.

قئید ائدک کی، آمئریکا پرزیدنتی دونالد ترامپ میقراسییا ایله باغلی یئنی فرمانیندا لیوییا، ایران، سومالی، سورییا، سودان و یمن وطنداشلارینین ۹۰ گون عرضینده اؤلکه‌یه گیریشینه قاداغا قویوب. هاوای شتاتی محکمه واسطه‌سی ایله ترامپین فرمانینی لغو ائتمه‌یه جهد ائد‌ن ایلک شتات اولوب.