ناتو-نون باش کاتیبی ینس ایستولتنبرق تورکییه و آوسترییایا مراجعت ائد‌رک آرالارینداکی دیپلماتیک بحرانی حل ائتمه‌یه چاغیریب.

آخار. آذ خبر وئریر کی، باش کاتیبین سؤزلرینه گؤره، ایکی اؤلکه منفی نتیجه‌لردن اوزاق اولماق اوچون تئزلیکله بو پروبلمی حل ائتمه‌لیدیر:

"خوشاگلمز حالدیر. بونون مشاهیده اولونماسی ایکی اؤلکه آراسینداکی امکداشلیق علاقه‌لرینین داوام ائتمیجیینی گؤستریر. امکداشلیق باخیمیندان منفی نتیجه‌لرله اوزلشمه‌سینلر دئیه، اونلاری آرالارینداکی بو پروبلمی حل ائتمه‌یه چاغیریریق».

قید ائدک کی، آوسترییا حکومتی تورکییه‌نین آوروپا بیرلیینه قبولونون ان کسکین علئیهداری‌دیر. رسمی ویانا تورکییه‌نین درحال ۱۵ ایولدا حبس ائدیله‌ن شخصلرین بیر قیسمینین آزادلیغا بوراخیلماسینی، ائل‌جه ده آوروپا یسرلییی ایله آنکارا آراسینداکی میقراسییا راضیلاشماسینین لغو اولونماسینی ایستییر. بحرانین کولیمیناسییا نقطه‌سی ایسه نیدرلاندلا تورکییه آراسیندا یارانان گرگینلیک‌دن سونرا یاشانیب. بئله کی، آمستئرداملا آنکارانین گرگینلیینین باشلاماسین‌دان درهال سونرا آوسترییا اؤلکه‌یه تورک سیاست‌چیلرینین بوراخیلماسینی قاداغان ائدیب.