مارتین ۱-دن ۱۳-نه قدر اولان دؤورده جبهه خطینده هلاک اولموش ۸ حربچینین آدینی آچیقلامایان ارمنیستان مدافعه ناظیرلیینین بونو پارلامنت سئچکیلریندن سونرا ائدجیی گؤزلنیلیر.

ویرتوالاز. اورگ خبر وئریر کی، همین ایتکیلر سؤزوگئدن تاریخلرده ارمنی طرفینین تخریباتچی حرکتلری نتیجه‌سینده وئریلیب.

منبع بیلدیریر کی، اؤلدورولنلر منزیل-قرارگاهی هادروت شهرینده یئرلشن ۱، ۲، ۴، ۵ و ۱۸-جی موتوآتیجی دیویزییانین ظابط و سیراویلریدیر.

بئله کی، مارتین ۶–دا فضولی رایونونون ایشغال ائدیلمیش آشاغی عبدوالرحمانلی کندی یاخینلیغیندا ارمنی طرفی ایکی دؤیوشچوسونو، مارتین ۹-دا سحر له له تپه یوکسک‌لیگی طرف‌ده بیر دؤیوش‌چوسونو، همین گونون آخشامی آغدام رایونونون یوسیفجان‌لی کندی یاخینلیغیندا بیر دؤیوشچوسونو، مارتین ۱۱-ده خوجاوند رایونو اراضی‌سینده بیر دؤیوش‌چوسونو، مارتین ۱۲-ده گونورتادان سونرا له له تپه یوکسک‌لیگی طرف‌ده بیر دؤیوش‌چوسونو و آشاغی عبدالرحمانلی کندی یاخینلیغیندا بیر دؤیوش‌چوسونو، مارتین ۱۳-ده ایسه سحر آغدام رایونونون قاراکند کندینین یاخینلیغندا داها بیر دؤیوشچوسونو ایتیریب.

چوخسایلی ایتکیلر اوزوندن پسیخولوژی گرگینلیگی آرادان قالدیرماق اوچون ارمنیستان مدافعه ناظرلیگی بیر قروپ قاراباغ محاربه‌سی وترانینی للتپه و آشاغی عبدالحمانلی کندی یاخینلیغینداکی مؤقعلره اعزام ائدیب.