ب ام ت-نین جنورهدهکی بؤلمهسینین یئرلشدیی میللتلر ساراییندا آذربایجان، آلبانییا، افقانیستان، عراق، ایران، قازاخیستان، قیرغیزیستان، ازبکیستان، پاکیستان، تاجیکیستان، تورکییه و تورکمنیستانین دایمی نمایندهلیکلرینین و ب ام ت بؤلمهسینین بیرگه تشکیلاتچیلیغی ایله بین الخالق نووروز گونونه حصر ائدیلمیش تدبیر کئچیریلیب.
کولت. آذ خبر وئریر کی، نووروز بایرامی ۲۰۰۹-جو ایلده یونسکو-نون قئیری-مادی مدنی ارث سیاهیسینا داخیل ائدیلیب. داها سونرا، ۲۰۱۰-جو ایل فورالین ۲۳-ده ب ام ت باش آسسامبلیاسی طرفیندن یئکدیللیکله قبول ائدیلمیش قتعنامهیه اساساً ۲۱ مارت تاریخی بین الخالق نووروز گونو اعلان ائدیلیب. همین واختدان اعتباراً نووروز گونو ب ام ت-ده قید اولونور. جنورهدهکی تدبیر ده ب ام ت قتعنامهسینه اویغون تشکیل ائدیلیب.
آچیلیش مراسیمینده بمت-نین جئنئوره بؤلمهسینین باش دیرئکتورو مایکل مؤللئر چیخیش ائدیب. او، نووروز بایرامینین عادت-عنعنهلرینین دونیا مدهنی ارثینین موهوم ترکیب حیسهسی اولدوغونو، دونیا مدنیتی و اینجسنتینه خصوصی تؤهفه وئردیینی وورغولاییب. م.مؤللئر تدبیرین تشکیلینه رهبرلیک ائتدیینه گؤره آذربایجان رئسپوبلیکاسینین دایمی نومایندلیینه خصوصی میننتدارلیغینی بیلدیریب. باش دیرئکتور تدبیرده ایشتیراک ائتمیش ۱۲ اؤلکهنین دایمی نمایندهلیکلرینین بو تشببوسونو مدنیتلر و دینلر آراسیندا سرحدلر تانیمایان دوستلوق و همریلیین رمزی کیمی قیمتلندیریب.
داها سونرا نووروز بایرامینی قئید ائدن اؤلکهلر آدیندان چیخیش ائدن آذربایجانین جئنئورهدهکی بمت بؤلمهسی و دیگر بئینلخالق تشکیلاتلار یانیندا دایمی نمایندهسی سفیر واقیف سادیقوو چیخیش ائدرک، نووروزون مدهنی ارث و چوخسرلیک عنعنهلرین بیرلیک تجسسومو کیمی خالقلار آراسیندا علاقهلرین قارشیلیقلی حؤرمت اساسیندا مؤهکملندیریلمهسینده موهوم رولونو قئید ائدیب. سفیر وورغولاییب کی، دونیانین موختلیف بؤلگهلرینده ۳۰۰ میلیوندان چوخ اینسان طرفیندن قئید ائدیلهن، سوله و تولئرانتلیق ایدئیالارینی اؤزونده بیرلشدیرهن نووروز بمت ایدهآللارینی تام عکس ائتدیریر.
ایشتیراکچی اؤلکهلرین دایمی نمایندهلیکلری طرفیندن هازیرلانمیش تاریخ، مدنیت و اینجسنته دایر فوتو و ویدئو ماتئریاللار ایشتیراکچیلارا تقدیم ائدیلیب، میللی یئمکلردن و شیرنیاتلاردان عبارت خصوصی گوشهلر تشکیل اولونوب.
تدبیرده، همچینین آذربایجانین خالق آرتیستی منسوم ایبراهیمووون رهبرلیگی آلتیندا «قاراباغ» آنسامبلی موسیقی پروقرامی ایله چیخیش ائدیب. موسیقیچیلرین ایفاسیندا سسلهندیریلهن آذربایجان خالق ماهنیلاری و موغاملار تدبیر ایشتیراکچیلاری طرفیندن بؤیوک ماراقلا قارشیلانیب.
مراسیمده بمت-نین جئنئوره بؤلمهسی یانیندا آککرئدیته اولونموش اؤلکهلرین دایمی نمایندهلری و دیپلوماتیک کورپوسون دیگر عضولری، بمت-نین جئنئورهدهکی اوفیسینین کاتیبلیگی، بئینلخالق تشکیلاتلارین امکداشلاری، جئنئوره شهرینین رسمیلری و تدبیری تشکیل ائدن اؤلکهلرین دیاسپور نمایندهلری ایشتیراک ائدیبلر.