آلمانییا اینجیرلیک بازاسینا آلترناتیو آختاریشینی باشا ووروب.

آخار. آذ خبر وئریر کی، بو باره‌ده اینفورماسییانی «دیه ولت» قزئتی اؤزونون اعتبارلی منبعلرینه ایستینادا یاییب.

قزئت اینجیرلییه آلترناتیو اولاراق ۸ بازانین برلین طرفیندن دقت مرکزینده ساخلانیلدیغینی بیلدیریب. بو بازالاردان اوچو کویت‌ده، اوچو ایوردانییادا، ایکی‌سی ایسه کیپرده یئرلشیر. هله‌لیک آلمان حکومتی بونونلا باغلی دانیشیقلارا ایستارت وئرمه‌ییب.

قید ائدک کی، سون گونلر آلمانییا ایله تورکییه آراسیندا مناسیبتلر پیسلشیب. آنکارا بیر مدت اول آلمان دپوتاتلارین اینجیرلیک بازاسینداکی آلمان حرب‌چیلری زیارت ائتمه‌سینه ایزن وئرمه‌ییب. آلمان دپوتاتلار ایسه اؤز نؤوبه‌سینده آلمان عسگرلرین تورکییه‌ده تهلوکه‌سیزلیکده اولمادیغینی و اینجیرلیک بازاسینا آلترناتیولرین آختاریلماسی گرکدیینی سؤیله‌ییبلر.