ارمنیستان‌داکی سئچکیلرده سس وئرن رسپوبلیکاچیلار پارتییاسینین صدری، پرزیدنت سئرژ سرکیسیان بیابیرچی دوروملا اوزلشیب.

موساوات. کوم خبر وئریر کی، ایروانداکی ۹ سای‌لی دایره‌نین ۱۸-جی دایره‌سینه گلن اؤلکه باش‌چی‌سی سس ورمدن اؤنجکی پروسئ‌دور زامانی گولونج وضعیتده قالیب. بئله کی، تکنیکی واسطه س.سرکیسیانین بیومتریک پاسپورتونو تانیماییب. ۲ دقیقه عرضینده گؤزله‌مه‌لی اولان ارمنیستان پرزیدنتی ایله باغلی باش وئرن کوریوز اولای داها سونرا آرادان قالدیریلیب. ادعا اولونور کی، بورادا صرف تئکنیکی پروبلئم اولوب.

سس وئرندن سونرا پوب‌لیکا قارشیسینا چیخان س.سرکیسیان اؤزونو سیندیرمایاراق دئییب کی، بولتنی علینه آلاندا «صولح حاقیندا» دوشونوب. بیر نئچه گون اول محاربه بیاناتی وئرن س.سرکیسیان ادعا ائدیب کی، صولح یولو یئگانه یولدور. «بیز هر شئیی ائدیریک کی، صولح اولسون، سرحدلریمیز توخونولماز قال‌سین» - او، دئییب. پارتییاسینین شانسینا گلدیکده‌سه، بیلدیریب کی، بو گون شانسی دیرلندیرمک واختی دئییل: «بو گون سسلری قازانماق واختیدیر».