بو یای آلمانییا اوردوسو اوکراینایا یئریدیله‌جک.

آخار. آذ خبر وئریر کی، بونو «زوزدا» تلویزییاسیندا یاییملانان «پروسس» پروگرامیندا چیخیشی زامانی روسییا لیبرال دموکرات پارتییاسینین صدری ولادیمیر ژیرینووسکی سؤیله‌ییب. او، آلمان اوردوسونون اوکراینایا پوروشنکونون دعوتی ایله گلجیینی بیلدیریب:

«آلمان اوردوسو ناتو-سوز اوکراینانین مدافعه‌سینه گله‌جک. بو ایسه اؤلکه پرزیدنتینین دعوتی ایله باش توتاجاق. نتیجه‌ده روسلارلا آلمانلار آراسیندا قارشیدورما باش وئره‌جک».

ژیرینووسکینین ادعاسینا گؤره، حتی آلمان اوردولاری معین مقاملاردا روسییا سرحدینی ده کئچه‌جکلر. سیاست‌چی بو سسنارینین ۲۰۱۶-جی ایلین یاییندان حاضیرلاندیغینی بیلدیریب:

«بو سسناری کئچن ایلین یاییندان حاضر ایدی، لاکین سورییاداکی وضعیت اوجباتیندان اونو بو ایلین یایینا ساخلادیلار. پلان اونا گؤره یایا ساخلانیلدی کی، قیش‌دا دؤیوشمک چوخ چتین‌دیر».