آمئریکا بو گون گئجه سورییا حربی هاوا قوه‌لرینه عایید شایرات آویابازاسینی بمباردمان ائدیب.

آخار. آذ خبر وئریر کی، بو باره‌ده اینفورماسییانی آمئریکا مدافعه ناظرلیگی یاییب. پنتاگن ائندیریله‌ن هاوا ضربه‌لر نتیجه‌سینده نه قدر اینسانین هلاک اولدوغو حاقیندا هئچ بیر معلوماتینین اولمادیغینی بیلدیریب. واشینگتن ضربه‌لرین ائندیریلدیی آویابازادا سورییالیلارلا یاناشی روسییالی حرب‌چیلرین اولا بیلجیینی ده سؤیله‌ییب.

شایرات بازاسینا ضربه‌لر آرالیق دنیزینده اولان «روس» و «پورتر» گمیلریندن ائندیریلیب. عمومیلیک‌ده بو بازایا طرف ۵۹ توماقاوک قانادلی راکتی بوراخیلیب.

آمئریکا پرزیدنتی سورییایا ائندیریلن ضربه‌لرین سورییا حکومتینین ایدلیبده تشکیل ائتدیی کیمیوی هجوما جاواب اولدوغونو بیلدیریب.

قید ائدک کی، بونونلا آمئریکا سورییا کنفلیکتی باشلایاندان بو یانا ایلک دفعه سورییا حکومت قولرینه ضربه ائندیریب.