روسلارین ۶۰ فایزی ماوزولیده ساخلانیلان ولادیمیر لنینین دفن اولونماسینی ایستییر.

آخار. آذ خبر وئریر کی، بو باره‌ده عموم روسییا اجتماعی فیکیرلرین آراشدیریلماسی مرکزینین آپاردیغی رای سورغوسوندا بیلدیریلیب.

«سورغونون نتیجه‌لرینه اساساً، رای سوروشولانلارین اکثریتی لنینین دفن اولونماسینی ایسته‌ییب. اکثریت بونون تعجیلی، بعضیلری ایسه تدریجا ائدیلمه‌سینین طرفداریدیر. رای سوروشولانلارین بعضی‌سی ایسه غیری-معین مدته قدر گؤزلمیی لازیم بیلیب. هله‌لیک لنینین کیمین اوچون داها چوخ قیمت‌لی اولدوغو معلوم دئییل»، - مرکزین معلوماتیندا قید ائدیلیر.

سورغودا ایشتیراک ائد‌نلرین اوچده بیری ایسه لنینی نئجه وارسا، ائله ساخلاماغین طرفداریدیر.

قید ائدک کی، روسییا دؤولت دوماسینا ولادیمیر لنینین دفن اولونماسی ایله باغلی قانون لاییحه‌سی تقدیم اولونموشدو. روسییا کمونیست پارتییاسینین لیدری گننادی زوگانوو بو لاییحه‌نی روسییا دؤولتی علیهینه تخریبات کیمی دیرلندیرمیشدی.