ایرانین آنایاسانی مدافعه شوراسی پرزیدنت سئچکی‌سینه قاتیلماغا یالنیز ۶ نفره ایزن وئریب.

قرارا اساساً، پرزیدنت‌لییه نامیزدلیینی یالنیز سید ایبراهیم ریسی ساداتی، حسن روحانی، محمد باقر قالیباف، ایسحاق جهانگیری کوه شاهی، سید مصطفی آغا میرسلیم، سید مصطفی هاشی‌می طبا وئره بیله‌جکلر. ماراقلی مقام اودور کی، نامیزدلرین آراسیندا بیر نفر ده اولسون آذربایجانلی یوخدور.

آخار. آذ ایران پرزیدنتلیینه نامیزدلرین قیسا بیو تقدیم ائدیر:

حسن روحانی – ۱۹۴۸-جی ایلده سیمنان اوستانیندا آنادان اولوب. میللیتجه فارس‌دیر. ۱۹۷۷-جی ایلده خمینینی «امام» آدلاندیردیغینا گؤره اؤلکه‌دن قاچاراق پاریسه گئتمه‌یه مجبور اولوب. ایران-عراق محاربه‌سی دؤورونده - ۱۹۸۲-جی ایلده‌ن ۱۹۸۸-جی ایله قدر عالی مدافعه شوراسینین عضوو، محاربه‌یه دستک کومیسییاسینین ایجرا کومیته‌سینین صدری (۱۹۸۶-۱۹۸۸)، ایران اوردو کوماندانینین معاوینی (۱۹۸۳-۱۹۸۵)، ایران حربی هاوا قوه‌لرینین کوماندانی (۱۹۸۶-۱۹۹۱) و س. وظیفه‌لر ایجرا ائدیب. محاربه‌ده‌کی خیدمتلرینه گؤره فتح (قلبه) مدالی ایله مکافاتلاندیریلیب.

۱۹۸۹-جو ایلده‌ن ۲۰۰۵-جی ایله قدر ۱۶ ایل مدتینده تهلوکسیزلیک شوراسینین کاتیبی اولوب. همچینین ایرانین سابیق پرزیدنتی خاتمینین تهلوکسیزلیک مسئله‌لری اوزره مشاویری (۲۰۰۰-۲۰۰۵) وظیفه‌سینی توتوب. روس، فارس، عرب، اینگیلیس، آلمان و فرانسیز دیللرینی بیلیر. حسن روحانی ۲۰ یاشی اولارکن ۱۴ یاشلی خالاسی قیزی صاحبه عربی ایله عائله قوروب. اونلارین ۴ اؤولادی وار. اصلاحات‌چیلارین لیدری کیمی تانینیر.

اسحاق جهانگیری کوه شاهی – ایرانین سیرجان شهرینده آنادان اولوب. میللیتجه فارسدیر. اصلاحات‌چیلارین نماینده‌سی حساب ائدیلیر. ایرانین کچمیش پرزیدنتلری علی اکبر هاشمی رفسانجانی و محمد خاتمی زامانلارین‌دا مسئول وظیفه‌لرده چالیشیب. او، حاضردا ایرانین باش ناظرینین معاوینی وظیفه‌سینی ایجرا ائدیر.

سید مصطفی آغا میرسلیم – تهراندا آنادان اولوب. میللیتجه فارسدیر. محافطه کاردیر. بیر مدت ایرانین مدنیت ناظری کیمی چالیشیب. پانیرانیست سیاستین طرفداری‌دیر.

سید مصطفی هاشی‌می طبا – اصلاحات‌چی‌دیر. کئچمیش باش ناظر میر حسین موسوینین دؤورونده صنایع ناظری کیمی چالیشیب. بیر مدت ایران میللی اولیمپییا کومیته‌سینین ریسی ایشله‌ییب. میر حسین موسوینین طرفدارلاریندان‌دیر. هارادا آنادان اولماسی و میللیتی حاقین‌دا اینفورماسییا یوخدور.

سید ایبراهیم ریسی ساداتی – مشهد شهرینده آنادان اولوب. میللیتجه فارسدیر. کرج، همدان و تهران شهرلرینین بیر مدت باش پروکورور وظیفه‌سین‌ده چالیشیب. اینقیلابدان سونراکی دؤورده حبس‌ده‌کی سیاسی محبوسلارین اعدامینی ایمضالایان دؤرد نفردن بیری اولوب. محافظه کارلارین دستکلدیی اساس نامیزد ساییلیر. سپاه آراسیندا بؤیوک نفوذا صاحب اولان ریسی خامنه ایدن سونرا ایران عالی دینی لیدری وظیفه‌سینه اساس نامیزدلردن بیریدیر. او، همچینین بو ایلکی سئچکیده روحانینین اساس رقیبی حساب ائدیلیر.

محمد باقیر قالیباف – مشهدده آنادان اولوب. آتاسی کورد، آناسی فارسدیر. ۱۹۹۶-جی ایلده ایران ایسلام اینقیلابی کئشیکچیلری کورپوسونون رهبری اولوب. او، محمد خاتمی نین دؤورونده پرزیدنته سپاه کماندیرلرینین گؤندردیی خبردارلیق مکتوبونا ایمضا آتانلار سیراسیندا اولوب. محافظه کاردیر.