مینسک راضیلاشمالارینین یئرینه یئتیریلمه‌سی اوچون آوروپانین رسمی کیوه تأثیر گؤسترجیینه اومید ائدیریک.

آخار. آذ خبر وئریر کی، بو سؤزلری روسییا خاریجی ایشلر ناظری سرگی لاوروو آوروپا بیرلیینین خاریجی ایشلر و تهلوکسیزلیک سیاستی اوزره کومساری فئدئریکا موگرینی ایله گؤروشوندن سونرا کئچیریلن مطبوعات کونفرانسیندا دئییب.

ناظر روسییانین مینسک راضیلاشماسینین قارانتی اولاراق اوزرینه دوشن وظیفه‌لری ایجرا ائتمه‌یه حاضر اولدوغونو بیلدیریب:

«کیو عهده‌لیکلری یئرینه یئتیرمه‌یه باشلایاندا لوگانسک و دونتسکین ده عینی شکیلده آددیم آتماسی اوچون حرکته کئچجییک».

لاوروو عینی زاماندا بیلدیریب کی، دونن دونتسک‌ده آتت-این آوتومبیلینده باش وئرن پارتلاییش مقاویله‌نین شرطلرینه عمل ائتمه‌نین اؤنمینی بیر داها گؤستردی.