مرکزی آسییا روسییا و چین کیمی گوجلرین آراسین‌دا تله‌ده‌دیر.

آخار. آذ خبر وئریر کی، بو سؤزلر آمریکالی پولیتولوگ جورج فریدمانین «ماولدین اکونومیکس» سایتیندا درج ائدیلن مقاله‌سین‌ده یئر آلیب. او، رگیونون محاربه تهلوکه‌سیله اوز-اوزه قالدیغینی بیلدیریب:

«مرکزی آسییا داغیلیر. خاریجی قوه‌لر مرکزی آسییادا اؤز تاثیرلرینی آرتیریرلار. مرکزی آسییادا سرحدلر طبیعی کاراکتر داشیمیر. اونلار اتنیک و یا میللی فرقلری گؤسترمیرلر. مثلاً، قازاخیستان اهالی‌سینین ۲۳%-ی ائتنیک روسدور. ائتنیک اؤزبکلر ایسه قیرغیزیستان اهالی‌سینین ۱۴%-نی، تاجیکیستانین ایسه ۱۳%-نی تشکیل ائدیر. مرکزی آسییا بؤیوک ائتنیک و رگیونال ایسترسین اولدوغو رگیوندور. سرحدلر حاضیرکی دؤولتلرین واحیدلیینی ریسک آلتینا آلیر. بؤلگه اوچون باشلیجا ایسترس سو کیمی آز اولان رسورسلار اوغروندا مباریزه‌دیر. رگیونون ایکی چایا - سیردریا و آمودریایا احتیاجی وار. محدود رسورسلار، اهالینین آرتیمی و الکتریک انرژی‌سی ایله سویون بارتری اتنیک و سرحد گرگین‌لیکلرینی آرتیرا بیلر. بو، خصوصیله، اهالی‌سی سیخ اولان فرقانه وادیسینده یاشانا بیلر. او، اؤزبکیستان، تاجیکیستان و قیرغیزیستان آراسیندا یئرلشیر.

رگیونون افغانیستانا یاخین اولماسی خاوس ریسکینی آرتیریر. بو، مرکزی آسییا اوچون بؤیوک تهدیددیر».