سوئتلر و آمریکا آراسین‌دا سویوق محاربه‌دن سونرا حاضردا نووه ساواشی تهلوکه‌سی یارانیب.

آخار. آذ خبر وئریر کی، بو سؤزلری روسییا فدراسییا شوراسینین اینفورماسییا سیاستی اوزره صدری آلکسی پوشکوو تویتر صحیفه‌سین‌ده پایلاشیب. پوشکوو قید ائدیب کی، بو تهلوکنی آمریکا حاکمیتی اؤز سیاستی ایله گئری قایتاریب.

«سویوق محاربه‌نین اساس نتیجه‌سینین نووه ساواشینی آرادان قالدیرماق اولدوغونو دئییردیلر. آنجاق هر شئی گئری قاییتدی: آمریکا اؤز سیاستی ایله بو تهلوکنی قایتاردی»، - پوشکوو یازیب.

قید ائدک کی، روسییا باش قرارگاهینین باش عملیات ایداره‌سینین صدر معاوینی گنرال-لیتنانت ویکتور پوزنیخیر آمریکانین راکت علیهینه مدافعه سیستمینین روسییایا قارشی گیزلی بیر نووه هجومو کئچیرمه‌یه ایمکان یاراتدیغی حاقدا اؤتن گون دانیشیب. اونون سؤزلرینه گؤره، آوروپاداکی آمریک راکتدن مدافعه بازالارینین و روسییایا یاخین مسافه‌ده‌کی دنیزلرده و اوکیانلاردا راکت علیهینه مدافعه گمیلرینین وارلیغی روسییایا قارشی گیزلی و آنی نووه راکت هجومو تشکیل ائتمک اوچون گوجلو زمین یارادیر.