۱۵:۳۷

قارا دنیزده روسییانین حربی گمی‌سی یوک داشیما گمی‌سی ایله توققوشوب.

آخار. آذ خبر وئریر کی، حادثه قارا دنیزده، تورکییه‌نین داخیلی سولاریندا باش وئریب. توققوشمادان سونرا تورکییه طرفی گمی‌دن ۴۵ روس حرب‌چیسینی خلاص ائدیب.

***

روسییا مدافعه ناظرلیگی قارا دنیز دونانماسینا عایید «لیمان» آدلی آراشدیرما گمی‌سینین ایستانبول بوغازیندان ۴۰ کیلومتر شیمال-غربین‌ده هله‌لیک هانسی اؤلکه‌یه منسوب اولدوغو بیلینمه‌ین آشوت-۷ آدلی گمیله توققوشدوغونو آچیقلاییب. «لیمان» گمی‌سینین عسگرلرینین زیان چکمدیی بیلدیریلیر.

توققوشما زامانی یوک گمی‌سینین باتدیغی، حربی گمینین ایسه آلدیغی ضربه‌دن یان یاتدیغی بیلدیریلیب.

***

روسییا مدافعه ناظرلیگی ۱۵ عسگرینین ایتکین دوشدویو باره‌ده یاییلان معلوماتی تکزیب ائتدی و حربی گمی‌ده اولان ۷۸ نفر شخصی هئیتین هامی‌سینین تخلییه اولوندوغونو آچیقلادی.

قزانین باش وئردیی اراضی‌ده قاتی دومان وار.

***

باتان یوک گمی‌سی توقو بایراغی آلتیندا اوزورموش.

***

روسییا حربی گمی‌سینین آرتیق باتماق اوزره اولدوغو بیلدیریلیر. اولای یئرینده اولان تورکییه کاترلری گمینی خلاص ائتمه‌یه چالیشیر...

***

روسییا مدافعه ناظرلیگی قارا دنیز دونانماسینین گمیلرینی اولای یئرینه ایستیقامت آلیب. عینی زاماندا، آن-۲۶ طیاره‌سی ده بؤلگه‌یه گؤندریلیب.

***

قزادان درحال سونرا تورکییه باش ناظری بینعلی ییلدیریم روسییالی همکاری دمیتری مدودیيوه زنگ ائدیب.

ییل‌دیریم قزا ایله باغلی مدودیئوه معلومات وئریب.

***

توققوشان هر ایکی گمینین آرتیق باتدیغی تصدیقله‌ندی.

***

"لیمان" حربی گمی‌سی پولشادا حاضیرلانیب و ۱۹۷۰-جی ایلده سویت لر دونانماسینین ایستیفاده‌سینه وئریلیب. اساساً سلاحسیز اولان حربی گمی رادار و هیدرواکوستیک دتکتورلا تجهیز ائدیلیب. "لیمان" گمی و سوآلتی قاییقلاری ایزله‌مک اوچون ایستیفاده ائدیلن حربی کشفیات گمی‌سی‌دیر.