آمریکا پرزیدنتی دونالد ترامپین کئچمیش میللی تهلوکسیزلیک مشاویری مایکل فلین روسییا تلویزییاسیندان پول آلیب.

آخار. آذ خبر وئریر کی، بو ادعا ایله آمریکا نماینده‌لر پالاتاسینین نظارت و حکومت اصلاحاتلاری کمیته‌سی معلومات یاییب.

ادعالارا گؤره، مایکل فلین ۲۰۱۴-جو ایلده روسییانین ارت کانالیندان پول آلیب. معلوماتدا بیلدیریلیر کی، بونا گؤره پنتاگن فلینه خبردارلیق ائدیب.

کمیته‌نین صدری جیسن شافتز فلینین روسییا تلویزییاسیندان آلدیغی پولون مبلغینی آچیقلاماقدان ایمتینا ائدیب. او، بونونلا قانونلاری پوزموش اولاجاغینی بیلدیریب.

آغ ائوین سؤزچوسو شون ایسپایسر ایسه بوندا کئچمیش آبش پرزیدنتی باراک اوباما رهبرلیینی گناهلاندیریب:

«بو مؤضوعنون مدافعه ناظرلیگی طرفیندن آراشدیریلماسی اوغورلو اولار. گناهکار باراک اوباما دؤورونده‌کی رهبرلیکدیر. چونکی فلین واختیله اونلارین تهلوکسیزلیک یوخلاماسیندان کئچیب».

خاطیرلاداق کی، آمریکا پرزیدنتینین میللی تهلوکسیزلیک اوزره مشاویری مایکل فلین روسییا ایله شبهلی علاقه‌لرینین اورتایا چیخماسیندان سونرا ایستعفایا گؤندریلمیشدی.